Flugvirkjar á vegum Boeing settu hlera rangt upp í farþegaþotu Alaska Airlines sem lenti í því fyrr í þessum mánuði að hlerinn losnaði í miðju flugi.

Bandaríska dagblaðið The Seattle Times greinir frá þessu og vísar í heimildarmenn sem þekkja til málsins. 

Frétt af mbl.is

Nauðlenti eftir að gat kom á farþegarými vélar

Bandaríska samgönguöryggisráðið (NTSB) er með málið til skoðunar. Í umfjöllun Times segir að ef NTSB staðfesti þessa niðurstöðu þá þýði það að ábyrgðin á ofangreindu atviki liggi hjá Boeing en ekki hjá fyrirtækinu Spirit AeroSystems, sem setti hlerann upphaflega í vélina sem er af gerðinni 737 MAX 9. Flugvirkjar Boeing tóku svo hlerann af til viðgerðar en settu hann svo upp með röngum hætti, sem fyrr segir. 

Frétt af mbl.is

Fundu marga lausa bolta í vélum Alaska Airlines

Hlerinn, sem er notaður til að loka gati í skrokki vélarinnar, sem er stundum hugsaður fyrir neyðarútgang, losnaði í flugi Alaska Airlines sem var að fljúga frá Portland til Kaliforníu 5. janúar. 

NTSB rannsakar nú málið. Hér má sjá hvar gatið myndaðist á vél Alaska Airlines eftir að hlerinn losnaði. AFP

Gagnrýna öryggismál og gæðastjórnun harðlega

Boeing hefur verið harðlega gagnrýnt fyrir gæðastjórnun og öryggismál, en fyrirtækið hefur verið undir smásjánni í kjölfar tveggja mannskæðra flugslysa fyrir fimm árum, þegar farþegaþotur af gerðinni 737 MAX fórust. 

Óþekktur uppljóstrari birti í síðustu viku upplýsingar á flugvefsíðu sem veittu frekari innsýn um það af hverju hlerinn var fjarlægður og hvernig hann var síðan settur aftur á sinn stað. Uppljóstrarinn virðist hafa aðgang að gögnum Boeing sem varða umrædda þotu Alaska Airlines.

Frétt af mbl.is

Skoða aðra tegund af Boeing-vélum eftir atvikið

„Afskaplega heimskulegt“

Uppljóstrarinn segir að Boeing greini sjálft frá því hvers vegna hlerinn losnaði í miðju flugi. „Þetta er afskaplega heimskulegt og segir heilmikið um gæðastjórnun á sumum stöðum hjá félaginu.“

Hann segir einnig að gögn Boeing sýni fram á að fjórir boltar, sem eiga að koma í veg fyrir að hlerinn renni af, hafi ekki verið settir á sinn stað þegar Boeing skilaði vélinni. 

Frétt af mbl.is

Fundu lausa bolta í Boeing-flugvélum

Rannsakendur NTSB hafa þegar bent opinberlega á þennan möguleika. 

Uppljóstrarinn lýsir enn fremur miklum annmörkum hvað varðar gæðastjórnun í verksmiðju Boeing í Renton. 

Tengdar fréttir

Boeing

Höfnuðu samningnum og samþykktu verkfall

• Boeing frestar flugprófunum á 777X-breiðþotu
• Boeing játar sök
• Samþykktu umdeildan launapakka
• Rannsaka hvort starfsmenn hafi falsað gögn

» Fleiri tengdar fréttir

• Blogga um frétt