„Leyfðu mér loksins að sjá son minn“
Setja bókamerki
Móðir rússneska stjórnarandstæðingsins Alexei Navalnís hvatti í dag Vladimír Pútin, forseta Rússlands, til að sleppa þegar i stað líki sonar síns sem lést í fangelsi á föstudaginn.
Móðir Navalnís heimsótti fanganýlendu norðan við heimskautsbaug þar sem hann lést morguninn eftir að tilkynnt var um andlátið, en var meinað að sjá lík sonar síns.
Lausnin veltur á þér
Júlía Navalnaja, ekkja Navalnís, sem hefur heitið því að halda áfram starfi eiginmanns síns, tók undir ákall tengdamóður sinnar og ítrekaði ásakanir á hendur Pútín vegna dauða Navalnís.
„Ég höfða til þín, Vladimír Pútín. Lausnin á málinu veltur aðeins á þér,“ sagði Ludmila Navalnaja, móðir Navalnís, klædd í svörtu, í myndskeiði sem fjölskylda hennar birti.
„Leyfðu mér loksins að sjá son minn. Ég krefst þess að lík Alexei verði sleppt tafarlaust svo ég geti jarðað hann á mannúðlegan hátt,“ segir móðir stjórnarandstæðingsins.
Fjölskyldu Navalnís hefur verið tjáð að hún fái ekki að sjá lík hans næstu tvær vikurnar.
Rússnesk stjórnvöld hafa vísað á bug ásökunum ekkju Alexeis Navalnís um að Pútín beri ábyrgð á dauða Navalnís.
Stjórnvöld brjóti gegn alþjóðlegum skuldbindingum
Rampur númer 1.100 vígður í dag
Mútuðu japanskri mafíu
Ísland á HM eftir annan stórsigur
Hollandi vísað úr Eurovision
Mikilvægt að skoða af hverju þær velja þessa leið
