Fleiri lík finnast undir rústum hallarinnar
Setja bókamerki
Tala látinna heldur áfram að hækka í kjölfar hryðjuverkaárásar Ríkis íslams á Crocus City-tónleikahöllina í Moskvu í Rússlandi í gærkvöldi. Minnst 115 eru látnir.
„Viðbragðsaðilar hafa fundið fleiri lík undir rústunum,“ segir í yfirlýsingu rannsóknarnefndar á vegum rússneska ríkisins.
Leit verður haldið áfram í nokkra daga í rústum tónleikahallarinnar að sögn héraðsstjóra Moskvu, Andrey Vorobyov. Talið er að fjöldi látinna muni hækka verulega.
Íbúar Moskvu gefa blóð til særðra
Þá eru 140 særðir á sjúkrahúsum og 16 þeirra í lífshættu, þar á meðal eitt barn.
Íbúar víða í borginni bíða nú í röðum fyrir utan sjúkrastofnanir eftir því að gefa blóð til þeirra sem særðir eru.
Ellefu manns hafa verið handteknir í tengslum við árásina, þar á meðal fjórir sem sagðir eru hafa framið hana.
Hafna fullyrðingum leyniþjónustunnar
Rússneska leyniþjónustan, FSB, gaf út yfirlýsingu í morgun um að árásarmennirnir fjórir hefðu ætlað að fara yfir landamærin að Úkraínu og að þeir hefðu tengiliði þar í landi. Úkraínsk yfirvöld hafa hafnað þessum fullyrðingum og kallað þær „fráleitar“.
Talsmaður úkraínska hersins, Andriy Yusov, sagði við BBC að landamærasvæðið væri yfirfullt af hermönnum vegna stríðsins.
„Að gefa í skyn að hinir grunuðu væru á leið til Úkraínu, gæfi til kynna að þeir væru heimskir,“ sagði hann.
Vladimír Pútín Rússlandsforseti hefur enn ekki tjáð sig opinberlega um hryðjuverkaárásina.
Þurfa að taka myndir áður en goslokum er lýst yfir
Verðbólgan þrálátari en gert hafði verið ráð fyrir
Rýkur enn upp úr gígnum
„Það er enginn að skjóta sendiboðann“
„Farnir að halda verðbólgunni uppi“
Spá launahækkunum nokkuð umfram kjarasamninga
Kristrún og Bjarni tókust hart á um efnahagsmálin
Kerfið streitist á móti