Íbúasamtök Háaleitis og stjórn foreldrafélags Háaleitisskóla gera alvarlega athugasemd við stöðu barna í hverfinu og segja Reykjavík senda þau skilaboð með ákvörðunum sínum og gjörðum að hverfið sé ekki ætlað börnum. „Það gildir einu hvert samhengið er, hvort um sé að ræða umferðaröryggi í hverfinu, aðstæður til útiveru, ástand skólalóða og nú síðast gervigrasvöllurinn á Fram svæðinu í Safamýri,“ segir í tilkynningu frá hverfisráði Háaleitis.

Hverfisráðið segir að á síðustu árum hafi íbúasamtökin og foreldraráðið ítrekað komið athugasemdum og áhyggjum á framfæri á fundum á vegum borgarinnar og með öðrum hætti. Segir ráðið að ekki hafi verið tekið tillit til athugasemda vegna þungrar umferðar í hverfinu né athugasemda vegna skólalóðar Háaleitisskóla sem hverfisráðið segir í niðurníðslu.

Mælirinn hafi svo fyllst vegna nýjustu frétta af „úrgangsdekkjakurlinu á Framvellinum.“ Gagnrýnir hverfisráðið að ekki sé brugðist við á æfingasvæði Fram. „Vegna þessarar óvissustöðu íþróttafélagsins Fram þá eiga börnin okkar að búa við það að veltast upp úr eiturúrgangi þegar þau spila fótbolta um óákveðna framtíð eða þar til hlutirnir skýrast um hvort Fram flytur. Á sama tíma er áætlað að bregðast við á öðrum íþróttavöllum borgarinnar.“

Krefst hverfisráðið til þess að borgin endurskoði ákvörðun sína og endurnýi kurlið á vellinum.

Tengdar fréttir

Dekkjakurl

ESB vill banna gúmmíkurl

• Gera aðra úttekt á gúmmíkurli í Kórnum
• Dekkjakurlið komið undir vellina
• Dekkjakurl fjarlægt af þremur völlum
• Dekkjakurl fjarlægt í Hafnarfirði

» Fleiri tengdar fréttir

• Blogga um frétt