Í vinnslu er nýtt deiliskipulag fyrir Hringveginn (1) um Vesturlandsveg frá sveitarfélagsmörkum við Mosfellsbæ að Hvalfjarðargöngum. Um er að ræða u.þ.b. 14 kílómetra kafla.
Tildrög verkefnisins eru að Vegagerðin hyggur á næstu árum á framkvæmdir á um 9 km kafla fyrir 2+1 veg frá Hvalfjarðargöngum að Kollafirði í núverandi vegastæði.
Verkefnið var kynnt heimamönnum á fjölsóttum fundi í Fólkvangi á Kjalarnesi á fimmtudaginn var. Í umfjöllun um mál þetta í Morgunblaðinu í dag kemur meðal annars fram, að ekki liggur fyrir hvenær ráðist verður í þessa vegaframkvæmd.