„Við höfum ekki fengið margar tilkynningar vegna óveðurs,“ segir Sigurjón Andrésson forstöðumaður markaðsmála og forvarna hjá Sjóvá. Á þessu ári hefur verið tilkynnt um alls 15 tjón vegna óveðurs til tryggingafyrirtækisins. Tjónin eru óveruleg og eru einkum á ökutækjum, fasteignum og ýmis tjón vegna lausamuna. 

„Talsverð vakning hefur orðið og fólk stendur sig almennt vel, fylgist með veðurspám, hlustar eftir viðvörunum og gerir ráðstafanir,“ segir Sigurjón.

Hann bendir á að í samfélaginu nú séu meiri umsvif en síðustu ár og vísar til fleiri byggingasvæða en voru til dæmis fyrir hrun. Í því ljósi hefur tjónunum ekki fækkað þrátt fyrir að borgarar séu almennt betur og meira vakandi þegar stormviðvaranir eru gefnar út. 

Tengdar fréttir

Óveður í janúar

Varað við staðbundnu flóði

• Stormurinn í beinni
• Lausamunir geta líka verið stórir
• Stórhættuleg hálka á stígum
• Spá 35 m/s á Reykjanesbraut

» Fleiri tengdar fréttir

• Blogga um frétt