Má heita Sólúlfur en ekki Theo
Setja bókamerki
Nöfnin Zion, Theo og Zelda eru á meðal þeirra sem ekki er leyfilegt að gefa börnum. Sólúlfur, Maríon og Bárðdal sem millinafn eru hinsvegar í lagi. Mannanafnanefnd kvað upp 10 úrskurði í janúar.
Þá var beiðni um millinafnið Danske hafnað sökum þess það sé ekki ritað í samræmi við almennar ritreglur íslensks máls. Líkt og fjallað var um á mbl.is og í Morgunblaðinu þá er nafnið Alex ekki samþykkt sem kvenmannsnafn.
/frimg/1/2/43/1024348.jpg)
Lind ekki karlmannsnafn
Nafnið Lind má ekki nota sem karlmannsnafn. Í úrskurði nefndarinnar segir eiginnafnið Lind hafa sterka stöðu sem kvenmannsnafn hér á landi en lítil hefð sé fyrir nafninu sem karlmannsnafni. Það verði því eingöngu talið vera kvenmannsnafn samkvæmt mannanafnalögunum nr. 45/1996.
Samkvæmt úrskurðum janúarmánaðar má því ekki heita: Zelda, Alex (sem kvenmannsnafn), Lind (sem karlmannsnafn), Theo, Danske (sem millinafn), Zion né Zelda.
Nöfnin sem er samþykkt: Sólúlfur, Maríon og Bárðdal (sem millinafn).
Mannanafnanefnd hefur sætt nokkurrar gagnrýni og í janúar var lagt fram frumvarp þar sem lagt er til að nefndin verði lögð niður. Frumvarpið er nú hjá allsherjar- og menntamálanefnd. Stöðu frumvarpsins má sjá hér.
/frimg/1/52/67/1526758.jpg)
„Það er engin ákveðin hreyfing í deilunni“
Mjótt á munum degi fyrir kosningar
Maðurinn sem lést var íslenskur
Verkalýðshreyfingin pólitísk í eðli sínu
Fer fram á sex og hálfs ára fangelsi yfir Jóni Inga
Björgunarsveitarmaður á æfingu lést við Tungufljót
„Við vorum alveg á nippinu“