Alls hafa um sextíu jarðskjálftar yfir 3 á stærð mælst við Grímsey frá miðnætti. Frá klukkan 17 á laugardaginn hafa skjálftarnir verið 71 talsins.

„Hrinan er ennþá í gangi, þótt það hafi örlítið hægt á henni. Það er alveg líklegt að það verði einhver eftirskjálftavirkni þarna áfram í nótt,“ segir Einar Hjörleifsson, náttúruvársérfræðingur hjá Veðurstofu Íslands.

„Þetta er mjög stór skjálftahrina og við fylgjumst náið með stöðunni áfram. Við vonum að það komi ekki stærri skjálfti í kjölfarið.“

Stærsti jarðskjálftinn til þessa í dag varð klukkan 5.38 af stærðinni 5,2.

Í framhaldinu mældust svo fjórir skjálftar sem voru á milli 4 og 4,5.

Tengdar fréttir

Jarðskjálftahrina við Grímsey

Aflýsa óvissustigi vegna skjálftahrinu við Grímsey

• „Hrinan gæti aukist aftur en líka dáið alveg út“
• Nálgast bráðum 10 þúsund skjálfta
• Yrðu líklega vör við eldgos nálægt Grímsey
• Upptökin á eldvirku svæði

» Fleiri tengdar fréttir

• Blogga um frétt