„Við munum hlíta þessum úrskurði og gerum prófin opinber. Við munum birta sjálf prófin á heimasíðunni okkar. Svo erum við að skoða tæknilega útfærslu á því að birta niðurstöður nemenda eins og þær koma út úr prófakerfinu okkar.“

Þetta segir Arnór Guðmundsson, forstjóri Menntamálastofnunar, í Morgunblaðinu í dag. Greint var frá því á Mbl.is um helgina að Menntamálastofnun þyrfti að afhenda föður stúlku sem þreytti samræmd könnunarpróf í september 2016 aðgang að úrlausnum stúlkunnar í íslensku og stærðfræði ásamt fyrirgjöf fyrir hverja spurningu. Úrskurðarnefnd um upplýsingamál kvað upp úrskurð þessa efnis í síðustu viku.

Menntamálastofnun hafði neitað að afhenda umrædd próf og úrlausnir stúlkunnar þar sem mikilvægt væri talið að geta nýtt spurningar oftar en einu sinni, að því er fram kemur ´æi umfjöllun um mál þetta í Morgunblaðinu í dag.

Tengdar fréttir

Samræmd próf í 9. bekk 2018

Taka samræmdu prófin í september

• Endurtaka prófin í vor eða haust
• Veita aðgang að samræmdum prófum
• Samræmdu prófin á skjön?
• Líta á lokaeinkunn úr grunnskóla

» Fleiri tengdar fréttir