Stuðningsfulltrúinn verður ákærður
Héraðssaksóknari mun gefa út ákæru á hendur manninum.
mbl.is/Ófeigur
Setja bókamerki
Embætti héraðssaksóknara mun gefa út ákæru í máli karlmanns á fimmtugsaldri sem er sakaður um að hafa beitt börn grófu kynferðisofbeldi en hann starfaði sem stuðningsfulltrúi hjá Reykjavíkurborg.
Kolbrún Benediktsdóttir varahéraðssaksóknari staðfesti við mbl.is að ákæra verður gefin út áður en tólf vikna ákærufrestur rennur út á morgun.
Maðurinn er grunaður um kynferðisbrot gegn minnst sjö börnum á tíu ára tímabili.
Samkvæmt lögum um meðferð sakamála er ekki heimilt að láta sakborning sæta gæsluvarðahaldi lengur en tólf vikur nema mál hafi verið höfðað gegn honum eða brýnir rannsóknarhagsmunir krefjist þess.
Landsréttur staðfesti 21. mars úrskurð héraðsdóms um að maðurinn skyldi sæta gæsluvarðhaldi til 13. apríl.
Þungbært að missa félaga
Líkur á vatnavöxtum og varað við skriðum
Fer fram á sex og hálfs ára fangelsi yfir Jóni Inga
Boða umbreytingu í grunnskólanum
Nágranninn fannst látinn við nærliggjandi skóla
Svona verður endaspretturinn