Embætti héraðssak­sókn­ara gaf í dag út ákæru í máli karl­manns á fimm­tugs­aldri sem er sakaður um að hafa beitt börn grófu kyn­ferðisof­beldi en hann starfaði sem stuðnings­full­trúi hjá Reykja­vík­ur­borg.

Gæsluvarðhald yfir manninum hefur einnig verið framlengt um fjórar vikur. Kol­brún Benedikts­dótt­ir vara­héraðssak­sókn­ari gat að öðru leyti ekki tjáð sig um efni ákærunnar þar sem hún hefur ekki verið birt. Þar sem um er að ræða lokað þinghald verður héraðsdómur að upplýsa um efni ákærunnar þegar þrír sólarhringar eru frá  birtingu. Ákæran verður því birt á mánudag.

Varðandi nýja kæru sem lögreglunni á höfuðborgarsvæðinu hefur borist vegna kynferðisbrota mannsins segir Kolbrún að sönnunarstaða í því máli verði skoðuð að rannsókn lokinni.

Frétt af mbl.is

Ný kæra ekki send til héraðssaksóknara

Maður­inn hefur setið í gæsluvarðhaldi frá því í janúar og er grunaður um að hafa brotið gegn börn­um á aldr­in­um 6 til 19 ára á ár­un­um 2004 til 2010 og beitt þau grófu kyn­ferðisof­beldi. Um er að ræða börn sem maður­inn hafði tengsl við, ann­ars veg­ar í gegn­um starf sitt og hins veg­ar sem ætt­ingi eða vin­ur.

Tengdar fréttir

Stuðningsfulltrúi ákærður fyrir kynferðisbrot

Hafnar málskotsbeiðni stuðningsfulltrúans

• Fórnarlamb stuðningsfulltrúa fer fram á miskabætur
• Stuðningsfulltrúinn í fimm ára fangelsi
• Stuðningsfulltrúinn snýr ekki aftur
• Síðasta kæran felld niður

» Fleiri tengdar fréttir

• Blogga um frétt