Ný kæra sem hefur borist lögreglunni á höfuðborgarsvæðinu vegna kynferðisbrots stuðningsfulltrúa barnaverndar er ekki meðal þeirra sjö mála sem lögreglan sendi til héraðssaksóknara til ákærumeðferðar fyrir páska.

Frétt mbl.is: Ný kæra á hendur starfsmanni barnaverndar

„Ég þekki til þessa máls. Þetta er aðili sem ég hef heyrt um í gegnum umbjóðanda minn,“ segir Sævar Þór Jónsson, umbjóðandi annars brotaþola í málinu, í samtali við mbl.is. Hann vildi að öðru leyti ekki tjá sig um kæruna en staðfestir að einstaklingurinn sem lagði fram kæruna var í umsjá stuðningsfulltrúans um tíma.  

Ákæra í máli mannsins verður gefin út í dag en hann hefur setið í gæsluvarðhaldi frá því í janúar og er grunaður um kynferðisbrot gegn að minnsta kosti sjö börnum á tíu ára tímabili.

Frétt mbl.is: Stuðningsfulltrúinn verður ákærður

Kæran sem nú er til rannsóknar er sú níunda í röðinni, en eitt af þeim átta málum brotaþola sem lögreglan hefur haft til rannsóknar var ekki sent til héraðssaksóknara. Nýja kæran barst eftir að lögreglan sendi sjö mál til meðferðar hjá héraðssaksóknara og því er ekki útilokað að málið verði sent þangað þegar rannsókn lögreglu er lokið. 

Gæsluvarðhald yfir manninum rennur út í dag. Sam­kvæmt lög­um um meðferð saka­mála er ekki heim­ilt að láta sak­born­ing sæta gæslu­v­arðahaldi leng­ur en tólf vik­ur nema mál hafi verið höfðað gegn hon­um eða brýn­ir rann­sókn­ar­hags­mun­ir krefj­ist þess. Kol­brún Bene­dikts­dótt­ir vara­héraðssak­sókn­ari staðfesti við mbl.is í gær að ákæra verður gef­in út áður en tólf vikna ákæru­frest­ur renn­ur út í dag.

Tengdar fréttir

Stuðningsfulltrúi ákærður fyrir kynferðisbrot

Hafnar málskotsbeiðni stuðningsfulltrúans

• Fórnarlamb stuðningsfulltrúa fer fram á miskabætur
• Stuðningsfulltrúinn í fimm ára fangelsi
• Stuðningsfulltrúinn snýr ekki aftur
• Síðasta kæran felld niður

» Fleiri tengdar fréttir

• Blogga um frétt