Ármann Kr. Ólafsson, bæjarstjóri Kópavogs, neitar því að til staðar sé samkomulag um myndun meirihluta með Framsókn í Kópavogi á komandi kjörtímabili.

DV sagði frá því í morgun að heimildir væru fyrir því að fulltrúar Sjálfstæðisflokks og Framsóknarflokks hafi náð samkomulagi um myndun meirihluta og að tilkynna ætti það um helgina. Ármann hefur nú neitað þeim fregnum í samtali við Viðskiptablaðið.

Samkvæmt heimildum mbl.is er ekki til staðar samkomulag milli flokkanna tveggja og engar viðræður þess efnis standa yfir þrátt fyrir vilja meirihluta bæjarfulltrúa Sjálfstæðisflokksins til þess að fara í slíkar viðræður.

Frétt af mbl.is

Upplausn í Kópavogi

Heimildir mbl.is segja að Ármanni hugnist betur að halda áfram samstarfi við Theodóru Þorsteinsdóttur í BF Viðreisn og að Theodóra sé á sömu skoðun.

Ekki náðist í bæjarfulltrúa Sjálfstæðisflokksins í Kópavogi, Birki Jón Jónsson, oddvita Framsóknar, eða Theodóru, oddvita BF Viðreisnar, við vinnslu fréttarinnar.

Tengdar fréttir

Sveitarstjórnarkosningar

„Framsóknarlegt að vilja bara borgarstjórastólinn“

• „Það hefur aldrei reynt á það í sögu borgarinnar“
• Ekki skýrt hvort Framsókn sé til vinstri eða hægri
• Yngsti borgarfulltrúinn: „Þetta er ákall um breytingar“
• Hafna Borgarlínu og vilja betri rekstur

» Fleiri tengdar fréttir

• Blogga um frétt