Ráðuneytið samþykkir endurupptökubeiðni Braga
Setja bókamerki
Velferðarráðuneytið hefur samþykkt beiðni Braga Guðbrandssonar, fyrrverandi forstjóra Barnaverndarstofu, um endurupptöku á athugun ráðuneytisins á kvörtunum þriggja barnaverndarnefnda.
Þetta kemur fram í tilkynningu frá velferðarráðuneytinu þar sem segir einnig að óháð úttekt á málsmeðferð og efnislegri athugun ráðuneytisins í kjölfar kvartananna gefi fullt tilefni til endurupptöku málsins.
Á næstu dögum mun velferðarráðuneytið fara frekar yfir niðurstöðu úttektarinnar, meðal annars til að greina hvaða þætti varðandi stjórnsýslu og verklag ráðuneytisins þurfi helst að bæta. „Þá hefur ráðuneytið óskað eftir fundi með skýrsluhöfundum til að fara yfir viðbrögð ráðuneytisins,“ segir í tilkynningu.
Í úttektinni sem var kynnt í dag kemur meðal annars fram að Bragi hafi ekki brotið af sér með upplýsingagjöf til afa barna í Hafnarfirðinum, svokölluðu Hafnarfjarðarmáli, en að velferðarráðuneytið hafi gerst brotlegt við grundvallarreglur stjórnsýsluréttarins um andmælarétt, sbr. 13. gr. stjórnsýslulaga.
Meti umsóknir um ríkisborgararétt
Mannbjörg þegar strandveiðibátur sökk
Urðu ekki vör við kvikuhlaup
Guðmundur Fertram tilnefndur
Útlendingafrumvarpið á dagskrá á morgun
Segir forseta þingsins segja ósatt frá fundinum
Kemur ekki til greina að semja við ESB
„Mjög miður að af þessu hljótist kostnaður“