Landsréttur hef­ur staðfest úr­sk­urð Héraðsdóms Reykja­ness frá 5. júlí um áframhaldandi gæsluvarðhald yfir manni á fimmtugsaldri sem sakaður er um að hafa beitt börn grófu kyn­ferðisof­beldi er hann starfaði sem stuðnings­full­trúi hjá Reykja­vík­ur­borg. Í úrskurðinum kemur fram að gæsluvarðhaldið skuli vara þar til dómur gengur í málinu en þó ekki lengur en til 2. ágúst nk. 

Frétt af mbl.is

Varðhald yfir stuðningsfulltrúa staðfest

Í forsendum Landsréttar kemur fram að maðurinn sé vistaður í gæsluvarðhaldi á grundvelli almannahagsmuna. Í greinargerð ákæruvaldsins segir að maðurinn sé, að mati ríkissaksóknara, undir sterkum grun um ítrekuð og langvarandi kynferðisbrot. Ekki þóttu efni til þess að marka gæsluvarðhaldinu skemmri tíma en gert var í úrskurði héraðsdóms. 

Maður­inn, sem er ákærður fyrir brot gegn fjórum börnum, neitaði sök við þingfestingu málsins. Málið var dómtekið að lokinni aðalmeðferð 29. júní og er dómsuppkvaðningar að vænta á næstu vikum. 

Tengdar fréttir

Stuðningsfulltrúi ákærður fyrir kynferðisbrot

Hafnar málskotsbeiðni stuðningsfulltrúans

• Fórnarlamb stuðningsfulltrúa fer fram á miskabætur
• Stuðningsfulltrúinn í fimm ára fangelsi
• Stuðningsfulltrúinn snýr ekki aftur
• Síðasta kæran felld niður

» Fleiri tengdar fréttir

• Blogga um frétt