Umferðarslys varð á Þingvallavegi, við Æsustaði í Mosfellsdal, laust fyrir klukkan 16 í dag, er tveir jeppar rákust saman. Þrír voru fluttir á slysadeild, þar af einn alvarlega slasaður.

Annar bíllinn kastaðist langt út fyrir veg og ofan í skurð við áreksturinn. Slökkviliðið sendi fjóra sjúkrabíla á vettvang, auk tveggja dælubíla.

Samkvæmt upplýsingum frá slökkviliðinu þurfti að beita klippum við að ná einni eldri manneskju út úr ökutæki sínu. Sú er mikið slösuð, en tveir til viðbótar hafa verið fluttir á slysadeild, minna slasaðir.

Uppfært kl. 17.54: Tilkynning hefur borist frá lögreglu um að störfum á vettvangi sé að ljúka og að umferð verði senn hleypt á veginn. Lögreglan vill koma á framfæri kæru þakklæti til vegfarenda fyrir tillitssemina og skilninginn.

Tengdar fréttir

Banaslys í Mosfellsdal

Ók vel yfir hámarkshraða og gætti ekki að sér

• Bíða eftir niðurstöðu bíltæknirannsókna
• Mála heila línu í Mosfellsdal
• Rannsókn slyssins miðar ágætlega
• „Fimm þúsund í dauðagildru“

» Fleiri tengdar fréttir

• Blogga um frétt