Rannsókn á banaslysinu í Mosfellsdal á laugardag miðar ágætlega. Enn á þó eftir að ganga frá ýmsum lausum endum samkvæmt upplýsingum frá lögreglunni á höfuðborgarsvæðinu, m.a. á eftir að fara fram rannsókn á bílunum tveimur sem lentu í árekstri.

„Við vitum ekki enn með alveg nákvæmum hætti hvað gerðist þarna, en við vitum að um framúrakstur var að ræða. Það eru ýmsir þættir sem þarf að skoða, t.d. að senda bílana í bíltæknirannsókn, athuga með hraða o.fl. og fá slíka tæknilega þætti staðfesta,“ segir Valgarður Valgarðsson, aðalvarðstjóri á lögreglustöðinni við Vínlandsleið.

Frétt af mbl.is

Í framúrakstri er slysið varð

„Þetta eru aðallega tæknilegir þættir og mögulega munum við heyra í fleiri vitnum. Það voru nokkur vitni á vettvangi sem gátu sagt til um hvað gerðist,“ segir hann.

Kona á níræðisaldri lést í slysinu sem varð við afleggjara að Æsustöðum í Mosfellsdal á laugardag. Íbúar á svæðinu hafa lýst yfir þungum áhyggjum af vegaöryggi á löngum beinum kafla í Mosfellsdal, einkum vegna hraðaksturs.

Tengdar fréttir

Banaslys í Mosfellsdal

Ók vel yfir hámarkshraða og gætti ekki að sér

• Bíða eftir niðurstöðu bíltæknirannsókna
• Mála heila línu í Mosfellsdal
• „Fimm þúsund í dauðagildru“
• Mála sjálfir ef Vegagerðin bregst

» Fleiri tengdar fréttir

• Blogga um frétt