Ákæruvaldið í máli stuðningsfulltrúans sem var sýknaður í Héraðsdómi Reykjaness á mánudaginn segist vera ósammála niðurstöðunni og er að yfirfara málið.

Þetta kemur fram í svari Guðrúnar Sveinsdóttur, setts saksóknara hjá embætti ríkissaksóknara, við fyrirspurn mbl.is.

Að öðru leyti vill hún ekki tjá sig um niðurstöðu dómsins. 

Embættið hefur því ekki tekið ákvörðun um hvort málinu verður áfrýjað til Landsréttar.

Dómurinn féll að morgni mánudags og var maðurinn sýknaður af ákærum um að hafa beitt fjögur börn grófu kynferðislegu ofbeldi.

Fram kom í dóminum að ákæruvaldinu hafi ekki tekist nægilega að sanna sekt mannsins enda þurfi að koma fram fullnaðarsönnun um hvert og eitt brot sem er ákært fyrir.

Tengdar fréttir

Stuðningsfulltrúi ákærður fyrir kynferðisbrot

Hafnar málskotsbeiðni stuðningsfulltrúans

• Fórnarlamb stuðningsfulltrúa fer fram á miskabætur
• Stuðningsfulltrúinn í fimm ára fangelsi
• Stuðningsfulltrúinn snýr ekki aftur
• Síðasta kæran felld niður

» Fleiri tengdar fréttir

• Blogga um frétt