„Ef ein pera fer þá slokknar á seríunni“
Setja bókamerki
Umhverfis- og skipulagsráð Reykjanesbæjar samþykkti í dag umsókn um byggingarleyfi sem felur í sér niðurrif á fyrrverandi Sundhöll Keflavíkur. Erindið var fyrst tekið fyrir á fundi ráðsins í mars en var frestað þar sem deiliskipulag lá ekki fyrir. Miklar deilur hafa skapast um fyrirhugað niðurrif sundhallarinnar og stofnuð voru hollvinasamtök sem berjast fyrir friðun hennar.
Ragnheiður Elín Árnadóttir, fyrrverandi iðnaðar- og viðskiptaráðherra, er ein þeirra sem vilja bjarga sundhöllinni og hefur verið talsmaður hollvinasamtakanna. Í samtali við mbl.is segir hún niðurstöðu umhverfis- og skipulagsráðs alveg ómögulega, en samtökin skoða nú að kæra úrskurð Minjastofnunar sem taldi sér ekki fært að leggja fram tillögu um friðlýsingu hússins við mennta- og menningarmálaráðherra.
„Það sem við erum að gera núna er að kanna þann grundvöll, ásamt okkar lögfræðingum, hvort það sé tækt að kæra ákvörðun Minjastofnunar til mennta- og menningarmálaráðuneytisins. Meðal annars á þeim grunni að röksemdafærslan og öll rökin í úrskurðinum eru í ósamræmi við niðurstöðuna, að okkar mati. Það er talað um að byggingin hafi hátt varðveislugildi og að sveitarfélögin hafi þeim skyldum að gegna að vernda menningararfinn. Reykjanesbær er snupraður í þessum úrskurði, en lesa má úr honum að bærinn hafi ekki sinnt sínum skyldum og bent er á önnur sveitarfélög sem hafa gert það.“
Ragnheiði Elínu og finnst alveg borðleggjandi að kanna alla möguleika í þeim tilgangi að vernda sundhöllina. Hollvinasamtökin hafa nú þegar kært samþykkt um deiliskipulag til úrskurðarnefndar um umhverfis- og auðlindamál og bíða nú niðurstöðu.
„Við erum ekki alveg tilbúin að gefast upp og teljum þessa byggingu vera það markverða og mikilvæga fyrir menningarsögu Reykjanesbæjar og byggingarsögu okkar Íslendinga. Sundhöllin er hluti af sundhallaseríu sem Guðjón Samúelsson teiknaði. Þær eru í Hafnarfirði, Seyðisfirði, Akranesi, Ísafirði og svo auðvitað Sundhöll Reykjavíkur og margar fleiri. Maður veit það með jólaseríurnar, ef ein pera fer þá slokknar á seríunni.“
Nýtt fangelsi í landi Stóra-Hrauns tilbúið 2028
Yfir 300 stæði fóru undir hraun
Sjötti ferðamaðurinn er látinn
Viðræður ekkert þokast frá því á þriðjudag
Hentugt gos fyrst gýs á annað borð
Fullvissa ferðamenn um að hér sé öruggt
Hótar Bretum og Bandaríkjamönnum
Rússar sagðir útvega N-Kóreu milljón olíutunnur
