Katrín Jakobsdóttir forsætisráðherra hefur fyrir hönd ríkisstjórnar Íslands beðið fyrrverandi sakborninga, aðstandendur þeirra og aðra sem hafa átt um sárt að binda vegna Guðmundar- og Geirfinnsmálsins, afsökunar á því ranglæti sem þeir hafa mátt þola.

Tilefni yfirlýsingarinnar er nýfallinn sýknudómur Hæstaréttar í málum allra dómfelldu í endurupptökumáli í Guðmundar- og Geirfinnsmálinu.

Dómurinn féll í gær en hann var ræddur á fundi ríkisstjórnarinnar í dag. Í tilkynningu segir að ríkisstjórnin fagni málalyktum í einu umdeildasta sakamáli Íslandssögunnar.

„Fyrir hönd ríkisstjórnarinnar bið ég ykkur afsökunar á því ranglæti sem þið hafið mátt þola,“ segir í yfirlýsingu Katrínar. 

mbl.is/Hari

Tengdar fréttir

Guðmundar- og Geirfinnsmál

Nýju ljósi varpað á Guðmundar- og Geirfinnsmál

• Ríkið þarf að greiða Alberti 26 milljónir
• „Þetta er auðvitað algjörlega galið“
• Skilur eftir sár sem munu aldrei gróa
• Hagsmunir ríkisins að ljúka máli Erlu

» Fleiri tengdar fréttir

• 1 blogg um fréttina

Bloggað um fréttina

• Kristbjörn Árnason: Takk fyrir jákvæð viðbrögð