Lögreglan á Vestfjörðum hefur yfirheyrt manninn sem handtekinn var um borð í skútu á Rifi á Snæfellsnesi í gær, en skútunni var stolið úr Ísafjarðarhöfn aðfaranótt sunnudags. Rannsókn málsins miðar vel og verður sakborningur færður fyrir Héraðsdóm Vestfjarða innan tíðar þar sem lögreglustjórinn á Vestfjörðum mun leggja fram farbannsbeiðni.

Frétt af mbl.is

Yfirheyra skútuþjófinn á Ísafirði

Þetta kemur fram í færslu lögreglunnar á Vestfjörðum á Facebook. Þar segir jafnframt að ekki sé tímabært að veita frekari upplýsingar um málið.

Hvarf frönsku skútunnar Inook uppgötvaðist, líkt og áður segir, aðfaranótt sunnudags og veittu varðskipið Þór og þyrla Landhelgisgæslunnar henni eftirför. Skipstjóri skútunnar var einn um borð og var handtekinn af lögreglunni á Vesturlandi.

Tengdar fréttir

Skútuþjófnaður

Skilorðsbundið fangelsi í skútumáli

• Framlengja farbann í skútumáli
• Neitar þjófnaði í skútumálinu
• Ákærður fyrir skútuþjófnað
• Vill koma skútunni í öruggt skjól

» Fleiri tengdar fréttir

• Blogga um frétt