Framlengja farbann í skútumáli
Frá þingfestingu málsins í morgun. Maðurinn játaði að hafa tekið Inook í heimildarleysi en neitaði ákæru eins og hún var sett fram.
Ljósmynd/Halldór Sveinbjörnsson
Setja bókamerki
Héraðsdómur Vestfjarða féllst á kröfu lögreglunnar á Ísafirði um að framlengja farbann yfir manninum sem ákærður hefur verið fyrir að stela skútu úr höfninni á Ísafirði í síðasta mánuði og sigla henni í burtu.
Í morgun var málið þingfest og greindi mbl.is þá frá því að maðurinn hafi neitað sök í málinu. Játaði hann að hafa tekið skútuna í heimildarleysi, en neitaði hins vegar fyrir þjófnað eða að hafa ætlað að fara á skútunni til Færeyja eða Skotlands. Þá kom fram að lögreglan hefði farið fram á lengra farbann yfir manninum.
Dómari komst í dag að niðurstöðu um að verða við kröfu lögreglunnar og var farbannið framlengt til 10. desember.
Einn handtekinn út af þjófnaðinum í Hamraborg
„Ættir þú ekki frekar að bjóða þig fram til Alþingis?“
„Eyddi nánast allri nóttina í þetta“
90% samþykktu verkfallsaðgerðir
Loftslagsdómurinn út í loftið
„Stjórnvöld láti af sjúklegri undirgefni sinni“
Skila vonandi tillögum til dómsmálaráðherra í dag
Sala dísil- og bensínbíla eykst