Byrjað er að rífa húsið á Kirkjuvegi á Selfossi sem brann í lok október. Þetta staðfestir samskiptastjóri VÍS. 

Að sögn Odds Árnasonar, yfirlögregluþjóns hjá lögreglunni á Suðurlandi, er rannsókn á málinu í fullum gangi. Krafist hefur verið sakhæfismats á meintum geranda í málinu. Auk þess er verið að meta hvort almannahætta hafi hlotist af brunanum.

Tæknideild lögreglunnar á höfuðborgarsvæðinu er að vinna úr sínum gögnum og lögreglan á Suðurlandi er einnig að vinna úr þeim gögnum sem hún hefur aflað eða fengið.

Oddur reiknar með því að rannsókn lögreglunnar ljúki eftir fjórar til sex vikur. Þá verður málið sent til ákærusviðs til ákvörðunartöku um framhaldið.

Tengdar fréttir

Eldur í einbýlishúsi á Selfossi 31. október

Dómur yfir Vigfúsi staðfestur

• Dómur þyngdur úr fimm í fjórtán ár
• Dómi yfir Vigfúsi áfrýjað til Landsréttar
• Vigfús áfram í varðhaldi
• „Beinn ásetningur“ ekki til staðar

» Fleiri tengdar fréttir

• Blogga um frétt