Allir slasaðir komnir á spítala
Setja bókamerki
Kranabíll er kominn á brúna yfir Núpsvötn og verður hann notaður til að hífa jeppa bresku fjölskyldunnar upp á brúna svo hægt sé að koma honum af vettvangi. Áfram verður lokað fyrir umferð á Suðurlandsvegi í báðar áttir á meðan rannsókn á vettvangi fer fram. Þetta segir Oddur Árnason, yfirlögregluþjónn á Suðurlandi, í samtali við mbl.is.
Þyrlur Landhelgisgæslu Íslands hafa flutt fjóra alvarlega slasaða einstaklinga á Landspítalann í Fossvogi. Þrír aðrir létust í slysinu, þar af að minnsta kosti eitt barn. Fólkið sem var í bílnum voru erlendir ferðamenn með breskt ríkisfang.
Enn er ekkert vitað um orsök slyssins en engin hálka var á vettvangi þegar slysið átti sér stað. Sveinn Rúnar Kristjánsson, yfirlögregluþjónn á Hvolsvelli, sagði þó í samtali við mbl.is fyrr í dag að stálplötur í gólfi brúarinnar verði sleipar við aðstæður eins og komu upp í morgun.
Neyðarlínu barst í morgun kl. 09:42 tilkynning um að bifreið hefði verið ekið út af brúnni yfir Núpsvötn og segir Oddur bílnum, sem var jeppi, hafa verið ekið í gegnum brúarhandriðið og út af brúnni sem sé töluvert há. Hann hafi svo endað niðri á áraurunum fyrir neðan, en ekki í ánni.
„Það tekur tíma að koma búnaði þarna að,“ sagði Oddur í samtali við mbl.is fyrr í dag og að nokkuð snúið væri að komast að slysstaðnum vegna árbakkanna.
Spurður hvort hálka hafi verið á veginum er slysið varð segir Sveins Kristján svo ekki vera. Í brúargólfinu séu þó stálplötur sem verði sleipar við aðstæður eins og voru á svæðinu í morgun.
Segja tölur um opinbera starfsmenn skakkar
Hækkun skilaði sér til bænda
Fjallvegir á Vestfjörðum og víða um land á óvissustigi
„Nánast aftakaveður þegar hryðjurnar ganga yfir“
Gular viðvaranir í dag og á morgun
„Hagræðingarmál eru í fyrsta sæti“
Fyrsti ríkisstjórnarfundurinn hafinn