Ungt barn og tveir fullorðnir létust
Setja bókamerki
Eitt ungt barn og tveir fullorðnir, allt erlendir ríkisborgarar létust í umferðarslysi sem varð á brúnni yfir Núpsvötn í morgun. Fjórir einstaklingar, tveir fullorðnir og tvö börn á aldrinum 7 til 9 ára, einnig erlendir ríkisborgarar, voru fluttir með þyrlum til aðhlynningar á sjúkrahúsi.
Þetta kemur fram í tilkynningu frá lögreglunni á Suðurlandi.
Ekki er vitað hversu alvarlega slasaðir þeir eru sem voru fluttir á sjúkrahús. Beita þurfti klippum til að ná þeim úr bílflakinu, sem var jeppi af gerðinni Toyota Landcruiser.
Suðurlandsvegur hefur verið opnaður en lítilsháttar tafir verða eitthvað áfram vegna vinnu starfsmanna Vegagerðarinnar við viðgerðir á handriði brúarinnar.
Lögreglan á Suðurlandi annast rannsókn málsins með aðstoð tæknideildar lögreglu og annarra deilda lögreglunnar á höfuðborgarsvæðinu.
Neyðarlínu barst í morgun kl. 09:42 tilkynning um að bíl hafi verið ekið út af brúnni yfir Núpsvötn, í gegn um vegriðið þar og niður á áraurana þar fyrir neðan. Var Suðurlandsvegi lokað í báðar áttir í kjölfar slyssins.
Segja tölur um opinbera starfsmenn skakkar
Bjarni: „Útilokað að þetta geti gengið upp“
Hækkun skilaði sér til bænda
„Þetta er ríkisstjórn almannahagsmuna“
Lyklaskipti í ráðuneytunum
Fyrsti blaðamannafundurinn í heild sinni
Ellefu skjálftar síðasta sólarhringinn
Auðlindagjaldið hljómar vel