„Of snemmt að gefa út yfirlýsingar“
Setja bókamerki
„Það er of snemmt að gefa út yfirlýsingar um möguleg tildrög slyssins,“ segir Sævar Helgi Lárusson, hjá Rannsóknarnefnd samgönguslysa, í samtali við mbl.is. Rannsókn á vettvangi er lokið í bili.
Rannsakandi á vegum Rannsóknarnefndar samgönguslysa fór í dag á vettvang banaslyssins við Núpsvötn. Venjan er að rannsóknarnefndin fari á slysstað samdægurs en það reyndist ekki mögulegt í gær.
Vinnu á vettvangi er lokið í bili en Sævar segir ómögulegt að segja til um hvort rannsakendur þurfi að fara þangað aftur. Engin sýni eða sönnunargögn voru tekin af slysstað heldur fóru fram mælingar og myndatökur. Rannsóknarnefndin mun skoða Landcruiser-jeppann líklega í næstu viku.
„Í framhaldinu hefst úrvinnsla gagna, útreikningar, frekari gagnaöflun og heyra í vitnum,“ segir Sævar Helgi.
Lífríki Mývatns er að taka við sér
Kourani dæmdur í átta ára fangelsi
„Ekki gera meira af því sama“
Donald Trump: „Ég ætti að vera dáinn“
Lögreglustjóri gerður afturreka
Björguðu vélarvana seglskútu við Raufarhöfn
Mikið magn af rauðvínspóstum eftir helgar