Rannsóknarnefnd samgönguslysa vinnur enn að gagnaöflun og rannsókn á mögulegum tildrögum slyssins sem varð við Núpsvötn fyrir helgi þegar Toyota Land-Cruiser jeppi fór í gegnum vegrið á brúnni Súlu með þeim afleiðingum að þrír létust og fjórir slösuðust.

Sævar Helgi Lárusson, sérfræðingur hjá rannsóknarnefndinni, segir enn ekkert hægt að gefa upp um orsakir slyssins.

„Rannsóknin er bara í gangi. Nú er gagnaöflun, erum að safna því sem hægt er að safna saman. Svo verður unnið úr þeim gögnum og reynt að komast að einhverri niðurstöðu um tildrög, orsakir og hvort eitthvað sé hægt að gera til að auka öryggi.“

Frétt af mbl.is

„Of snemmt að gefa út yfirlýsingar“

Í bílnum voru tveir bræður ásamt eiginkonum og börnum. Konurnar létust báðar ásamt 11 mánaða ungbarni. Sá bróðir sem ók bílnum er enn þungt haldinn en lögregla náði að taka af hinum skýrslu í gærmorgun. Þá eru hin börnin tvö, á aldrinum 7 til 9 ára, á batavegi.

Sævar segist enn ekkert geta sagt til um það hvort búið sé að bera saman þær upplýsingar sem annar mannanna veitti lögreglu í gær og þau gögn sem liggja núna fyrir hjá rannsóknarnefndinni. 

„Það er of snemmt að svara því.“

Tengdar fréttir

Banaslys við Núpsvötn

Voru ekki í bílbeltum eða barnastól

• Brýrnar helsti veikleikinn
• Bráðabirgðaniðurstöður liggja fyrir
• Kann að hafa valdið slysinu
• Ökumaðurinn man ekki málsatvik

» Fleiri tengdar fréttir

• 1 blogg um fréttina

Bloggað um fréttina

• Þorsteinn H. Gunnarsson: Skortur á upplýsingum farinn að skaða hagsmuni Íslendinga