Tíu milljarða kröfur á Íslandi
Setja bókamerki
Tugir kröfuhafa lýstu alls tíu milljarða króna kröfum í þrotabú Primera Air á Íslandi, sem varð gjaldþrota í október síðastliðnum, en frestur til þess að lýsa kröfum í búið er útrunninn. RÚV greinir frá þessu.
Í frétt Ríkisútvarpsins er haft eftir Eiríki Elísi Þorlákssyni, skiptastjóra búsins, að ekki hafi verið tekin nein ákvörðun um riftunarmál, en að það sé til skoðunar. Arion banki er á meðal kröfuhafa, en Eiríkur getur ekki gefið upp hversu háar einstakar kröfur í búið eru.
Arion banki sagði í afkomuviðvörun eftir gjaldþrot Primera Air að „vegna ófyrirséðra atburða“ gerði bankinn ráð fyrir því að niðurfæra lán og greiða út ábyrgðir, sem myndi kosta bankann á bilinu 1,3-1,8 milljarða króna.
Í október var greint frá því að kröfur á hendur Primera Air í Danmörku næmu yfir 16 milljörðum íslenskra króna og að kröfuhafar í þrotabú danska hluta flugrekstrarins væru yfir 500 talsins.
Skattamál verði líklega „þeirra mesta klemma“
Það er ekkert partí án spurninga!
Telur sér ekki heimilt að úthluta Helga verkefni
Bjarni afhenti Kristrúnu lyklana
Segir að verið sé að svindla á Bandaríkjunum
Bjarni: „Útilokað að þetta geti gengið upp“
Ellefu skjálftar síðasta sólarhringinn
Alvarleg netárás á Wise