Leit heldur áfram að Jóni Þresti Jónssyni, Íslendingi er hvarf í Dyflinnarborg fyrir viku, 9. febrúar. Fjölskylda hans er nú stödd þar eystra og leitar hans ásamt lögreglunni þar.

Að því er segir í fréttatilkynningu frá aðstandendum Jóns eru innviðir fyrir leitaraðgerðir af þessum toga ekki eins sterkir á Írlandi og þeir eru á Íslandi, þar sé til dæmis ekki skipulögðum björgunarsveitum til að dreifa.

Frétt af mbl.is

Fjölskyldan á leið til Dublin

Þrátt fyrir það er Jóns leitað logandi ljósi, eins og segir, með aðstoð lögreglu og reynslumikils leitarfólks ýmiss. Áfram er lýst eftir honum í írskum fjölmiðlum. Lögreglan leitar þá vísbendinga áfram og hingað til hefur fyrst og fremst verið stuðst við gögn úr öryggismyndavélum.

Jón, sem er 41 árs, sást síðast í Whitehall um ell­efu­leytið á laug­ar­dags­morg­un. Þá var hann klædd­ur í svart­an jakka.

Tengdar fréttir

Jóns Þrastar leitað

Engar frekari upplýsingar um hvarf Jóns borist

• Leitin í garðinum hefur engan árangur borið
• Þriðji dagur leitarinnar að Jóni Þresti
• Lögreglan búin að girða af svæði
• Hundar og kafarar tekið þátt í leitinni

» Fleiri tengdar fréttir

• Blogga um frétt