Írska lögreglan birti í kvöld upptökur úr öryggismyndavélum sem sýna síðustu ferðir Jóns Þrastar Jónssonar, sem hvarf í Dublin 9. febrúar síðastliðinn.

Upptökurnar voru sýndar í þættinum CrimeCall á sjónvarpsstöðinni RTÉ í kvöld þar sem rætt var við Davíð Karl og Daní­el Örn Wii­um, bræður Jóns Þrast­ar. Á upptökunum sést Jón Þröstur yfirgefa hótelið þar sem hann dvaldi ásamt unnustu sinni. Í næsta myndbroti sést til hans á gangi skammt frá hótelinu.

„Hann er límið sem heldur fjölskyldunni saman,“ sagði Daníel í viðtali í CrimeCall í kvöld.  

Fjölmargir úr fjölskyldu Jóns Þrastar og vinir hans hafa tekið þátt í leit að honum í Dublin síðustu daga. Nýjar ábendingar bárust eftir umfangsmikla leit á laugardag og er fjölskyldan vongóð um að hann finnist. „Það er ekk­ert far­arsnið á okk­ur fyrr en þetta er leyst,“ sagði Davíð Karl í samtali við mbl.is fyrr í dag.  

Hér má sjá upptökurnar úr öryggismyndavélum sem írska lögreglan birti.

Tengdar fréttir

Jóns Þrastar leitað

Engar frekari upplýsingar um hvarf Jóns borist

• Leitin í garðinum hefur engan árangur borið
• Þriðji dagur leitarinnar að Jóni Þresti
• Lögreglan búin að girða af svæði
• Hundar og kafarar tekið þátt í leitinni

» Fleiri tengdar fréttir

• Blogga um frétt