Fjölmargar ábendingar hafa borist írsku lögreglunni vegna hvarfs Jóns Þrastar Jónssonar fyrir tæpum mánuði. Fréttastofa RÚV hefur þetta eftir Michael Mulligan, yfirlögregluþjóni írsku lögreglunnar, sem segir um 600 þúsund manns hafa fylgst með umfjöllun um leitina að Jóni Þresti og í kjölfarið hafi fjölmargar ábendingar borist.

Leitin sjálf hefur þó ekki skilað árangri.

Jóns Þrastar hefur verið saknað frá því 9. febrúar er hann yfirgaf hótelið, sem hann dvaldi á í Dublin á Írlandi ásamt unnustu, án síma, veskis og vegabréfs og hefur ekki sést síðan.

Síðan þá hafa ættingjar hans, lögregluyfirvöld, björgunarsveit og almenningur haldið úti leit að honum.

Tengdar fréttir

Jóns Þrastar leitað

Engar frekari upplýsingar um hvarf Jóns borist

• Leitin í garðinum hefur engan árangur borið
• Þriðji dagur leitarinnar að Jóni Þresti
• Lögreglan búin að girða af svæði
• Hundar og kafarar tekið þátt í leitinni

» Fleiri tengdar fréttir

• Blogga um frétt