Engin ný mislingatilfelli hafa verið greind og er heildarfjöldi staðfestra tilfella fimm og eitt vafatilfelli. Alls hafa verið tekin sýni hjá um 80 einstaklingum á undanförnum vikum. Þetta kemur fram á vef embættis landlæknis. 

Öllu bóluefni sem kom til landsins hefur verið dreift til heilsugæslustöðva um allt land og má finna upplýsingar um framkvæmd bólusetninga á vef einstakra heilsugæslustöðva. 

Ekki hafa komið upp nein vandamál við framkvæmd bólusetninga svo vitað sé. Stöðufundur verður haldinn með umdæmis- og svæðislæknum í fyrramálið. Stöðufundir hafa verið daglega frá því mislingasmit greindist hér á landi í síðasta mánuði.  

Tengdar fréttir

Mislingar á Íslandi

Bólusetning barna ónóg gegn mislingum og kíghósta

• Hettusótt líklegri meðal árganganna 1985–1987
• Fleiri mislingasmit enn ekki fundist
• Möguleg smit í fyrsta lagi í lok vikunnar
• Mislingar bárust með erlendum ferðamanni

» Fleiri tengdar fréttir

• Blogga um frétt