Engin ný mislingatilfelli hafa verið greind hér á landi frá 20. mars, að því er fram kemur í frétt á vef landlæknisembættisins. Heildarfjöldi staðfestra til­fella er nú sex og eitt vafa­til­felli.

Enn eru þó að greinast einstaklingar með væg einkenni eftir bólusetningu, en bólu­setn­ing­ar geta valdið misl­ingalík­um út­brot­um í um það bil 5% til­fella. Þeir eru hins vegar ekki smitandi og þurfa því ekki að vera í einangrun.

Alls hafa verið tek­in sýni hjá um 90 ein­stak­ling­um á und­an­förn­um vik­um og hefur um tíu þúsund skömmtum af bólu­efni gegn misl­ing­um verið komið í dreif­ingu á heil­brigðis­stofnunum um land allt undanfarnar vikur

Á næstu dögum mun sóttvarnalæknir endurskoða það fyrirkomulag sem verið hefur undanfarnar vikur varðandi bólusetningar og ákveða hvort farið verður aftur að bólusetja samkvæmt fyrri áætlun, við 18 mánaða og 12 ára aldur.

Tengdar fréttir

Mislingar á Íslandi

Bólusetning barna ónóg gegn mislingum og kíghósta

• Hettusótt líklegri meðal árganganna 1985–1987
• Fleiri mislingasmit enn ekki fundist
• Möguleg smit í fyrsta lagi í lok vikunnar
• Mislingar bárust með erlendum ferðamanni

» Fleiri tengdar fréttir

• Blogga um frétt