Bílaleigan Procar verður ekki svipt starfsleyfi sínu að svo stöddu, þar sem tillögur fyrirtækisins að úrbótum voru taldar fullnægjandi að mati Samgöngustofu. Þetta var haft eftir lögmanni fyrirtækisins í kvöldfréttum RÚV, en þar kom einnig fram að lögreglurannsókn á máli fyrirtækisins er komin í hendur embættis héraðssaksóknara, sökum umfangs.

Tæpir fjórir mánuðir eru frá því að upp komst um umfangsmikið svindl bílaleigunnar, sem stundaði það að færa niður kílómetrastöðu bifreiða sinna.

Frétt af mbl.is

Svindlið nær allt til 2018

Forsendur sviptingar „ekki til staðar“ í regluverkinu

Þórhildur Elín Elínardóttir, upplýsingafulltrúi Samgöngustofu, segir í samtali við mbl.is að komið hafi í ljós við úrvinnslu málsins að lagaramminn hafi ekki verið „eins víðtækur og ætla mætti“ en segir að við vinnsluna á máli Procar hafi regluramminn verið „nýttur eins og hægt er.“

Hún staðfestir að það sé rétt sem komi fram í frétt RÚV, Procar hafi ekki verið svipt leyfi af hálfu Samgöngustofu.

„Forsendur fyrir slíkum aðgerðum voru ekki til staðar í regluverkinu, miðað við ætluð brot,“ segir Þórhildur Elín.

Tengdar fréttir

Bílaleigan Procar

12 mánaða skilorðsbundið fangelsi í Procar-máli

• Játaði brot sín skýlaust í Procar-máli
• Yfir 86% þegar búnir að semja vegna Procar-máls
• Ákærður í Procar-málinu
• Procar fær ekki sex bíla frá Bílabúð Benna

» Fleiri tengdar fréttir

• Blogga um frétt