Hjördís Björk Ólafsdóttir, lyfjafræðingur í Apótekaranum á Selfossi segir að aldrei hafi verið jafn mikil eftirspurn á Suðurlandi eftir flugnafælum og lyfjum við bitum og nú.

Ástæðuna fyrir eftirspurninni segir hún vera hið skæða lúsmý sem herji á ferðafólk og fólk í sumarbústöðum í nágrenni við Selfoss.

mbl.is/Eggert Jóhannesson

Nánast hver einasta flugnafæla í Apótekaranum á Selfossi hefur selst upp vegna lúsmýs sem hefur herjað á fólk á Suðurlandi undanfarna daga. „Það selst allt upp strax og það er annar hver maður hérna með fullt af bitum,“ segir Hjördís.

Frétt af mbl.is

Vaknaðir þú öll bitin í morgun?

Hjördís segir að það sem virðist vera öflugast gegn lúsmýinu sé moskító- og flugnafælan Moustidose Deet, sem hefur verið sérstaklega vinsælt hjá ferðafólki á leið til Afríku. Hún segist auk þess mæla með því að fólk á svæðum þar sem mikið er um lúsmý setji lavender- eða tea tree olíu í glugga og rúmföt og bætir við að mikilvægt sé að loka gluggum fyrir klukkan sjö á kvöldin þegar lúsmýið fari á stjá. Ef fólk er bitið mælir Hjördís með því að bera Mildison sterakrem á bitin og taka inn ofnæmistöflu. 

Tengdar fréttir

Lúsmý bítur landann

Bitin af lúsmýi við Laugarvatn

• Heilsugæslan gefur ráð gegn lúsmýi
• Meindýraeyðir man eftir fyrsta lúsmýinu
• Sala á viftum margfaldast vegna lúsmýs
• „Erfiðasta ætt flugna að rannsaka“

» Fleiri tengdar fréttir