HR 52. besti ungi háskóli veraldar

Háskólinn í Reykjavík er í 52. sæti á lista yfir bestu háskólana 50 ára og yngri. Á listanum eru 100 háskólar og í fyrra var HR númer 89. Þetta er því stökk.

Á sama tíma er HR númer 301-350 á lista yfir bestu háskóla í heimi, þar sem ekkert tillit er tekið til aldurs heldur einvörðungu gæða.

Frétt af mbl.is

HR einn af 100 bestu ungu háskólum heims

Þessi listi, sem Times Higher Education heldur úti, tekur tillit til 13 lykilþátta háskólastarfs: fjölda tilvitnana í vísindagreinar eftir starfsmenn skólans, gæða kennslu og rannsókna, alþjóðlegra tengsla og samstarfs við atvinnulífið. 

Háskólinn í Reykjavík brautskráði 627 nemendur í Hörpu 22. júní 2019. Ljósmynd/Eva Björk

Háskólinn í Reykjavík var stofnaður 1998 á grunni Tölvuháskóla Verzlunarskóla Íslands en árið 2005 sameinaðist hann Tækniháskóla Íslands. Um 3600 nemendur stunda nám við Háskólann í Reykjavík, starfsmenn eru um 250 auk fjölda stundakennara.

„Þetta eru einstaklega ánægjulegar fréttir fyrir Háskólann í Reykjavík, starfsfólk skólans og nemendur. Stefna okkar hefur alltaf verið að sinna nemendum okkar og íslensku samfélagi sem best og hafa að leiðarljósi gæðaviðmið öflugra, alþjóðlegra háskóla. Það hefur skilað sér í því að HR hefur náð þeim frábæra árangri að skipa sér í fremstu röð meðal háskóla heims. Þessi árangur er fyrst og fremst frábæru starfsfólki Háskólans í Reykjavík að þakka og ég sendi þeim, nemendum skólans og öllum sem standa að HR hamingjuóskir,” er haft eftir Ara Kristni Jónssyni rektor í tilkynningu um málið.

• Blogga um frétt