Barnaskapur og sóun á tíma þingsins
Setja bókamerki
„Á tungumáli vinnandi fólks, sem vinnur heiðvirða vinnu, heitir þetta sóun á tíma þingsins, þetta heitir barnaskapur, þetta heitir að það skipti öllu máli hvaðan hlutirnir koma, en ekki hvernig þeir hljómi,“ sagði Þorsteinn Víglundsson þingmaður Viðreisnar í umræðum um störf þingsins í Alþingi í dag.
Tilefnið var það að Áslaug Arna Sigurbjörnsdóttir dómsmálaráðherra hefur sagt að til standi að breyta mannanafnalögum í frelsisátt með nýju frumvarpi, en flestir þingmenn ríkisstjórnarinnar greiddu atkvæði gegn frumvarpi stjórnarandstöðuflokka um málið er það var borið upp til atkvæða í sumar.
Þorsteinn ræddi málið og sakaði nefndarmenn úr röðum ríkisstjórnarflokkanna um að hafa ekki tekið þátt „í að breyta málinu með þeim hætti að það væri viðkomandi flokkum að skapi.“
„Hæstvirtur dómsmálaráðherra boðar að nú skuli koma nýtt mannanafnalagafrumvarp þar sem frelsið skuli haft í forgrunni, og ég óska henni auðvitað alls hins besta í þessu, en minni hana um leið á að hennar eigin flokksfélagar, eða 10 þeirra, kolfelldu slíkt mál hér í þinginu í vor, ásamt öllum hinum frelsisunnandi þingmönnum Miðflokks, Framsóknar og Vinstri grænna, sem gátu alls ekki hugsað sér það að einstaklingar fengju að ráða eigin nafni,“ sagði Þorsteinn.
Í viðtali við Vísi í dag segir Áslaug Arna að hún sé bjartsýn á að frumvarpið sem ráðuneyti hennar er með í smíðum fái brautargengi hjá hennar eigin þingflokki. „Ég mun skoða það mjög alvarlega að leggja mannanafnefnd niður,“ segir dómsmálaráðherra meðal annars í viðtalinu.
Maðurinn sem lést var íslenskur
Mjótt á munum degi fyrir kosningar
„Þetta er ljót mynd“
Hvað verður um sakamálin ef Trump vinnur? Eða tapar?
„Við vorum alveg á nippinu“
Söfnuðu rúmlega 93 milljónum
Ekki gerlegt að sakfella eftir lýsingu í ákæru