Félag leikskólakennara styður styttingu starfstíma
Setja bókamerki
Félag leikskólakenna styður heilshugar tillögur stýrihóps Reykjavíkurborgar um umbætur og skipulag leikskólastarfs í Reykjavík, einna helst til að koma í veg fyrir að leikskólakennarar flytji sig yfir á önnur skólastig.
Meirihluti skóla- og frístundaráðs Reykjavíkurborgar samþykkti á fundi sínum í vikunni að breyta starfstíma leikskóla borgarinnar frá og með 1. apríl, þannig að almennur starfstími verði frá kl. 7.30 til 16.30, og styttist þar með um hálftíma.
Í tilkynningu frá félaginu er meðal annars bent á að um áramótin tóku gildi lög sem meðal annars kveða á um leyfisbréf þvert á skólastig. „Við þá breytingu varð raunveruleg hætta á að leikskólakennarar flyttu sig yfir á önnur skólastig vegna ólíkra starfsaðstæðna og vinnutímafyrirkomulags,“ segir í tilkynningunni.
Félag leikskólakennara telur að tillögur stýrihópsins í þessum fyrsta áfanga, er snýr að almennum tíma sem leikskólar borgarinnar eru opnir, séu mikilvægt skref. „Næsti áfangi snýr að því að færa starfsumhverfi leikskólakennara að því sem þekkist á öðrum skólastigum og þróa breytt skipulag leikskólastarfsins,“ segir jafnframt í tilkynningu og telur félagið þann áfanga vera eitt stærsta verkefnið í kjarasamningsgerð leikskólakennara í þeim kjarasamningum sem unnið er að nú.
„Einungis með þeim hætti er hægt að afstýra því að leikskólakennarar færi sig í stórum stíl yfir á önnur skólastig til kennslu, því gerist það er leikskólastigið í alvarlegum vanda.“
Ein stærsta áskorun sveitarfélaga er að fjölga leikskólakennurum, að mati félagsins. Takist það mun það auka gæði leikskólakennslu til muna öllum börnum á leikskólaaldri til heilla.
Kaupa Jarðarberjaland
Sendi frá sér neyðarboð skömmu fyrir flugslysið
Fólk á fleiri en 30 bifreiðum þurfti aðstoð
„Þetta mun allt enda með ósköpum“
Hætta stafar af eldri feðrum, ekki mæðrum
Fjöldi látinn eftir flugslys
Valkyrjur koma og fara