Icelandair er byrjað grípa til fyrirbyggjandi aðgerða, fari svo að alþjóðaflug muni liggja niðri vegna veðurs á föstudaginn, eins og gera má ráð fyrir ef veðurspár rætast.

Ásdís Ýr Pétursdóttir, upplýsingafulltrúi flugfélagsins, segir í svari við fyrirspurn mbl.is að Icelandair sé byrjað að bjóða farþegum sem eiga bókað á föstudag að breyta farmiðum sínum í ljósi slæmrar veðurspár föstudagsins.

Frétt af mbl.is

„Óveður af verri gerðinni“ nálgast

Gul viðvörun hefur nú þegar verið gefin út og má reikna með því, haldist spár óbreyttar, að veðrið muni hafa umtalsverð áhrif hér á landi. 

Frétt af mbl.is

Líkur á að gul viðvörun verði appelsínugul

Stormur, rok eða ofsaveður

Icelandair mun fylgjast grannt með því hvernig veðrið og spáin þróast og meta stöðuna frekar þegar nær dregur, segir Ásdís Ýr.

Á föstudag spáir austanstormi, roki eða ofsaveðri á landinu og búist er við að það verði hvassast sunnan til framan af degi. Víða verður slydda og snjókoma, úrkomumest sunnan- og austanlands. 

Fréttin og fyrirsögn hennar hefur verið uppfærð: Þau mistök urðu við vinnslu fréttarinnar að lægðinni sem skellur á landinu á föstudag var ruglað saman við aðra lægð, sem mun hafa áhrif í Bretlandi. Þar í landi hefur lægðin verið kölluð Dennis af bresku veðurstofunni og jafnvel „Dennis the Menace“ eða „Denni dæmalausi“ í umfjöllunum breskra fjölmiðla.

Tengdar fréttir

Ofsaveður í febrúar 2020

Tjón á Blátindi eftir flakk um höfnina

• Tjón hleypur á hundruðum milljóna
• Veturinn óvenjukostnaðarsamur fyrir RARIK
• Rafmagnstruflanir næstu daga og vikur
• Ekki lengur þörf á að skammta rafmagn á Suðurlandi

» Fleiri tengdar fréttir

• Blogga um frétt