Einungis hafa verið tvö minniháttar útköll hjá björgunarsveitum á Norðurlandi vestra vegna óveðursins, enn sem komið er hið minnsta.

Gunnar Örn Jónsson lögreglustjóri á Norðurlandi vestra segir heldur að bæta í veðrið í landshlutanum og að það sé þegar orðið alveg „gufuvitlaust veður“ í austanverðum Skagafirði, handan Héraðsvatna.

Samfélagið á Sauðárkróki og víðar í landshlutanum er í hægagangi í dag, segir Gunnar, en kennsla var felld niður í öllum skólum nyrðra.

Nokkur viðbúnaður er hjá yfirvöldum, en aðgerðastjórn var mönnuð á Sauðárkróki kl. 6 í morgun og sömuleiðis vettvangsstjórnir á Hofsósi og Blönduósi.

„Þetta hefur verið stóráfallalaust,“ segir lögreglustjórinn, en hann bjóst við því að verðið yrði í hámarki um hádegisbil eða kannski aðeins seinna.

Tengdar fréttir

Ofsaveður í febrúar 2020

Tjón á Blátindi eftir flakk um höfnina

• Tjón hleypur á hundruðum milljóna
• Veturinn óvenjukostnaðarsamur fyrir RARIK
• Rafmagnstruflanir næstu daga og vikur
• Ekki lengur þörf á að skammta rafmagn á Suðurlandi

» Fleiri tengdar fréttir

• Blogga um frétt