Mæðgum og fjórum köttum þeirra var bjargað af heimili sínu í Garði skömmu fyrir hádegi í dag. Sjór hafði flætt alveg upp að húsinu og náði vel upp á kjallaraglugga hússins og komust hvorki fólk né ferfætlingar burt úr húsinu. Þá er fjölskyldubíllinn hálfur á kafi, eins og sjá má á ljósmyndum lögreglu.

Frétt af mbl.is

Sjór flæðir á land á Suðurnesjum

Sindri Fanndal Júlíusson í björgunarsveitinni Ægi segir að mæðgurnar hafi verið nokkuð rólegar og að köttunum hafi verið komið í búr og burt frá húsinu.

Kjallari hússins er á floti, auk þess sem nokkur sjór hafði einnig komist inn á jarðhæð hússins og er ljóst að tjón er talsvert. Slökkvilið gerir ráð fyrir því að fara að húsinu í dag og dæla sjó í burtu og bjarga bifreiðinni.

Tengdar fréttir

Ofsaveður í febrúar 2020

Tjón á Blátindi eftir flakk um höfnina

• Tjón hleypur á hundruðum milljóna
• Veturinn óvenjukostnaðarsamur fyrir RARIK
• Rafmagnstruflanir næstu daga og vikur
• Ekki lengur þörf á að skammta rafmagn á Suðurlandi

» Fleiri tengdar fréttir

• Blogga um frétt