Enn skerðing á rafmagni og stutt í næstu lægð
Setja bókamerki
Enn er skerðing á rafmagni til Vestmannaeyja en ekki hefur tekist að koma Hellulínu 1 í gagnið, samkvæmt upplýsingum frá Landsneti. Innsetning var reynd á sjöunda tímanum í morgun að lokinni viðgerð en línan leyti út á ný. Áfram verða því takmarkaðir afhendingarmöguleikar raforku á austanverðu Suðurlandi og í Vestmannaeyjum.
Jón Bragi, varðstjóri hjá lögreglunni í Vestmannaeyjum, segir í samtali við mbl.is að bæjarbúar finni ekki mikið fyrir skerðingunni. Von er á annarri lægð upp úr hádegi þegar gul viðvörun tekur gildi. Lögreglan brýndi fyrir bæjarbúum að nýta tímann milli lægða til að festa það sem ekki losnaði í gær.
„Það er bara fínt og rólegt hjá okkur núna, en þessi lægð verður týpísk vetrarlægð,“ segir Jón Bragi. Hann segir að bæjarbúar hafi verið vel undirbúnir fyrir veðrið í gær og að tjón hafi verið minniháttar, ef frá eru talin örlög vélbátsins Blátinds sem sökk við bryggju í gærmorgun. Báturinn hvarf ofan í höfnina og einungis mastrið stendur upp úr. Ákvörðun um hvað verði gert varðandi Blátind verður tekin eftir helgi að sögn Jóns Braga.
„Börn heima sem maður myndi vilja hafa í skjóli“
Barn lést í árásinni
Víkingar komnir yfir 800 milljónir í greiðslur
Lát hjóna í Neskaupstað: Ákæra gefin út
Funda með þingflokkum
Þetta eru ráðherrar ríkisstjórnarinnar
Beint: Ný ríkisstjórn tekin við völdum
