Vetrarfærð er í flestum landshlutum samkvæmt upplýsingum frá Vegagerðinni. Eftir aftakaveður gærdagsins fer aftur að hvessa upp úr hádegi og reikna má með snörpum  vindhviðum, 35-40 m/s, einkum við Skógafoss og við Steina um tíma eftir hádegi. Leiðinni frá Markarfljóti að Vík verður mögulega lokað um tíma vegna óveðurs.

Þá verður hríðarveður á Fjarðarheiði eftir hádegi og skafrenningur og lélegt skyggni á Mývatns- og Möðrudalsöræfum síðar í dag.

Gul viðvörun tekur gildi á Suðurlandi, Vestfjörðum og Suðausturlandi um hádegi í dag. 

Engin útköll bárust vegna veðurs á Vestfjörðum í gær en óvissustig vegna snjóflóðahættu er enn í gildi á norðanverðum Vestfjörðum. Nokkrar tilkynningar bárust um snjóflóð á Tröllaskaga og norðanverðum Vestfjörðum í gær. 

Ófært er að Klettshálsi en unnið að hreinsun. Flateyrarvegur er lokaður vegna snjóflóðahættu en búið er að opna Súðavíkurhlíð en snjóflóðahætta er talin möguleg í dag. 

Hálka, hálkublettir eða snjóþekja er á vegum á Norðurlandi og Siglufjarðarvegi hefur verið lokað vegna snjóflóðahættu. Vegurinn um Ólafsfjarðarmúla er opinn en snjóflóðahætta er talin möguleg í dag. Vegurinn um Víkurskarð er lokaður. 

Hálka eða snjóþekja er á vegum en flughált á Aðaldalsvegi. Ófært er á Hófaskarði og Brekknaheiði en unnið að hreinsun. Í Ljósavatnsskarði er óvissustig vegna snjóflóðahættu en vegurinn er opinn.

Tengdar fréttir

Ofsaveður í febrúar 2020

Tjón á Blátindi eftir flakk um höfnina

• Tjón hleypur á hundruðum milljóna
• Veturinn óvenjukostnaðarsamur fyrir RARIK
• Rafmagnstruflanir næstu daga og vikur
• Ekki lengur þörf á að skammta rafmagn á Suðurlandi

» Fleiri tengdar fréttir

• 1 blogg um fréttina

Bloggað um fréttina

• Þorsteinn H. Gunnarsson: Á að loka fjallvegum eða missa vald á aðstæðum?