Slökkviliðið á Akureyri hefur afhent lögreglunni á Akureyri vettvang brunans í gamla frystihúsinu í Hrísey. Tveir slökkviliðsmenn sinna brunavakt við frystihúsið í nótt ef ske kynni að eldur blossi upp aftur. Lögreglumaður frá Dalvík verður einnig á vakt í eyjunni. 

Samkvæmt upplýsingum frá lögreglunni mun hópur frá rannsóknardeild lögreglunnar á Akureyri og tæknideildar lögreglunnar á höfuðborgarsvæðinu hefja formlega rannsókn í fyrramálið. 

Gamla frystihúsið í Hrísey þar sem Hrísey Seafood er með fiskvinnslu er gjörónýtt eftir brunann í morgun. Formleg rannsókn á eldsupptökum hefst í fyrramálið. mbl.is/Ellert

Fiskvinnsla á vegum Hrísey Seafood er í frystihúsinu sem er nær gjörónýtt eftir brunann í morgun. Fiskur sem beið vinnslu var í geymslum hússins svo tjónið er mikið. Bruninn hefur einnig mikil áhrif atvinnulíf í eyjunni, en tíu manns starfa hjá Hrísey Seafood sem er jafnframt fjölmennasti vinnustaður eyjunnar.  

Frétt af mbl.is

„Hörmulegt og óskaplega sorglegt“

„Auðvitað höfum við lent í álíka brunum en flækjustigið vatt allhressilega upp á sig af því að þetta var í Hrísey. En við vorum með björgunarsveitir, hraðbáta og ferjuna. Það lögðust allir á eitt,“ segir vakthafandi varðstjóri hjá slökkviliðinu á Akureyri í samtali við mbl.is. 

Slökkviliðsmenn um borð í Hríseyjarferjunni Sævari við vaktaskipti í kvöld. mbl.is/Ellert

Auk heimamanna í slökkviliðinu tóku allir í slökkviliði Akureyrar nema tveir þátt í útkallinu, tæplega 30 talsins. Einnig barst aðstoð frá slökkviliðinu á Dalvík og Laugum. Ekkert er vitað um eldsupptök en líkt og fyrr segir hefst formleg rannsókn á morgun.

Tengdar fréttir

Eldsvoði í Hrísey

Eldsvoðinn líklega af mannavöldum

• Frítt í Hríseyjarferjuna út júní
• „Þetta er hræðilegt áfall en við ætlum að vera bjartsýn“
• Bruninn í Hrísey líklega íkveikja eða slys
• Langstærsti vinnustaðurinn brunninn

» Fleiri tengdar fréttir

• Blogga um frétt