Akureyrarbær er að kanna möguleika á því að niðurgreiðslur fargjalda í Hríseyjaferjuna verði auknar þannig að fólk geti farið út í Hrísey án endurgjalds.

Ásthildur Sturludóttir bæjarstjóri vonast til að þetta verði til þess að fleiri ferðamenn, þá væntanlega íslenskir, sæki eyjuna heim í sumar og atvinna fólks við ferðaþjónustu glæðist.

Eyjasamfélögin sem tilheyra Akureyrarbæ, Hrísey og Grímsey, hafa orðið fyrir áföllum í atvinnulífinu. Mikill kvóti var seldur frá Grímsey snemma vetrar og húsnæði Hríseyjar Seafood brann í gærmorgun. Ferðaþjónusta hefur verið mikilvæg stoð í atvinnulífinu á sumrin á báðum stöðunum en nú ríkir óvissa um ferðamennskuna í sumar.

Í umfjöllun um málefni Hríseyjar eftir brunann í gær í Morgunblaðinu í dag segist Ásthildur  eigi að síður vera bjartsýn á framtíð beggja samfélaganna. Um Grímsey segir hún: „Íbúarnir þar eru þrautseigasta fólk sem ég hef hitt. Staðan er viðkvæm og erfið þegar fólki hefur fækkað mikið en í vor hafa margir snúið til baka. Grímsey er öflug verstöð og ég tel að langt sé í að þar verði ekki byggð.“

Tengdar fréttir

Eldsvoði í Hrísey

Eldsvoðinn líklega af mannavöldum

• Frítt í Hríseyjarferjuna út júní
• „Þetta er hræðilegt áfall en við ætlum að vera bjartsýn“
• Bruninn í Hrísey líklega íkveikja eða slys
• Langstærsti vinnustaðurinn brunninn

» Fleiri tengdar fréttir