Steingrímur J. Sigfússon, forseti Alþingis, óskaði Guðna Th. Jóhannessyni, forseta Íslands, til hamingju með endurkjörið í upphafi þingfundar í morgun. Guðni var sem kunnugt er endurkjörinn með 92% atkvæða í forsetakosningum nú á laugardag.

Steingrímur minnti á að forseti Íslands væri samkvæmt stjórnarskrá annar handhafi löggjafarvalds, og samskipti forseta og þings því veruleg og þýðingarmikil. 

„Ég vil fyrir hönd Alþingis óska Guðna Th. Jóhannessyni til hamingju með endurkjörið og þann afgerandi stuðning sem hann hlaut, senda honum og fjölskyldu hans heillaóskir um leið og við væntum áframhaldandi góðs samstarfs Alþingis og forseta Íslands,“ sagði Steingrímur og bað þingheim í kjölfarið að rísa úr sætum til að taka undir orð sín.

Fundur hófst á Alþingi klukkan 10:20 í morgun og er viðbúið að hann standi fram á nótt. Stefnt er að því að ljúka þingi fyrir sumarfrí í dag, en þó er viðbúið að þinghald geti dregist fram á morgundag.

Tengdar fréttir

Forsetakosningar 2020

Forsetakosningar kostuðu 416 milljónir

• Þakklátur fyrir góða kjörsókn
• Búinn að vekja 13 þúsund manns
• Lilja óskar Guðna til hamingju
• Lokatölur liggja fyrir: Guðni fær 92,2%

» Fleiri tengdar fréttir

• Blogga um frétt