Áslaug Arna Sigurbjörnsdóttir dómsmálaráðherra hefur lagt það til við Ólaf Helga Kjartansson, lögreglustjóra á Suðurnesjum, að hann víki úr starfi lögreglustjóra. Þetta fullyrðir Ríkisútvarpið.

Ólafur Helgi tekur ekki afstöðu til fullyrðingarinnar í samtali við mbl.is. „Ég tjái mig ekki um málið að öðru leyti en því að ég tel mikilvægt að það ríki friður um starfsemi um embættisins,“ sagði hann og kvaðst ekki vilja staðfesta hvort honum hefði borist þessi tillaga eður ei.

Eins og sagt hefur verið frá í fjölmiðlum að undanförnu hefur dómsmálaráðherra á borði sínu kvartanir frá starfsmönnum lögreglunnar á Suðurnesjum. Þar er kvartað undan framgöngu Ólafs sem lögreglustjóra og einnig undan einelti af hálfu tveggja annarra starfsmanna hjá embættinu, meðal annars Öldu Hrannar Jóhannsdóttur, yfirlögfræðings embættisins.

Tengdar fréttir

Deilur innan lögreglunnar á Suðurnesjum

„Algjörlega úr lausu lofti gripið“

• Vill að veikindaleyfin verði skoðuð
• Alda Hrönn staðið fyrir ýmsum uppákomum
• Mun fyrst og fremst sakna starfsfólksins
• Ólafur Helgi færður til ráðuneytisins

» Fleiri tengdar fréttir

• 1 blogg um fréttina

Bloggað um fréttina

• Jóhannes Ragnarsson: Vor eini hershöfðingi er rægður, svívirtur og beittur íllsku af …