Engin gögn bárust með svarinu sem Sjúktryggingar Íslands sendu Krabbameinsfélaginu fyrir hádegi sem geta stutt þær fullyrðingar sem fulltrúi SÍ setti fram í Kastljósi.
Þetta kemur fram í tilkynningu frá félaginu.
Sjúkratryggingar hafa óskað eftir staðfestingu frá Krabbameinsfélaginu og Leitarstöðinni á því að kröfur til starfseminnar séu uppfylltar fyrir lok dags. Því erindi verður svarað í dag.
Krabbameinsfélagið sendi erindi til SÍ í gær þar sem óskað var eftir afhendingu gagna sem gætu stutt ummæli fulltrúa SÍ. Þau lutu að gæðaeftirliti og gæðaskráningu í leitarstarfi félagsins. Frestur var gefinn til hádegis í dag. Ef SÍ staðfesti ummælin yrði leitarstöðinni lokað.