Írski fjöl­miðill­inn Sunday In­depend­ent staðhæf­ir í um­fjöll­un sinni í dag að Jón Þröst­ur Jóns­son, sem hvarf á Írlandi 9. fe­brú­ar í fyrra eft­ir að hafa tekið spilað póker í Dublin, hafi verið myrt­ur af öðrum Íslend­ingi sem hafi átt þá fjár­muni sem Jón tapaði í spil­un­um. Seg­ir blaðið að um sé að ræða ís­lensk­an glæpa­mann sem hafi fyr­ir slysni myrt Jón kvöldið ör­laga­ríka.

Upp­lýs­ing­arn­ar um þetta bár­ust til fjöl­skyldu Jóns frá öðrum manni sem sit­ur nú í fang­elsi á Íslandi að sögn blaðsins. Vís­ir greindi fyrst­ur ís­lenskra miðla frá þess­um vend­ing­um í mál­inu.

Ekki náðist í Karl Stein­ar Vals­son, yf­ir­lög­regluþjón hjá miðlægri rann­sókn­ar­deild lög­regl­unn­ar á höfuðborg­ar­svæðinu, vegna máls­ins, en hann seg­ir við Vísi að ýms­ir þætt­ir máls­ins séu til skoðunar og lög­regl­an sé í sam­bandi við yf­ir­völd á Írlandi sem fara með rann­sókn máls­ins.

Jón Þröst­ur fór til Dublin til að taka þátt í pókermóti í byrj­un fe­brú­ar. Unn­usta hans, Jana Guðjóns­dótt­ir, var með í för og höfðu þau hugsað sér að skoða borg­ina sam­an að mót­inu loknu. Rann­sókn máls­ins hafði í lang­an tíma lítið sem ekk­ert miðað áfram frá því björg­un­ar­sveit kembdi leit­ar­svæði í borg­inni í byrj­un mars á síðasta ári og ábend­ing barst um að Jón Þröst­ur hefði mögu­lega ferðast með leigu­bíl. 

Fjöl­skylda Jóns Þrast­ar hef­ur frá upp­hafi lagt sig fram við að reyna að upp­lýsa hvarf Jóns og hef­ur reglu­lega verið í sam­skipt­um við lög­regl­una í Dublin. Flutti bróðir Jóns meðal ann­ars tíma­bundið til Dublin vegna máls­ins.

Tengd­ar frétt­ir

Jóns Þrast­ar leitað

Nýir þætt­ir um hvarf Jóns Þrast­ar

• Eng­ar frek­ari upp­lýs­ing­ar um hvarf Jóns borist
• Leit­in í garðinum hef­ur eng­an ár­ang­ur borið
• Þriðji dag­ur leit­ar­inn­ar að Jóni Þresti
• Lög­regl­an búin að girða af svæði

» Fleiri tengd­ar frétt­ir

• Blogga um frétt