Stór sprunga er nú í gólfi flugskóla Keilis eftir að jarðskjálfti 5,6 að stærð reið yfir Reykjanesskaga klukkan 13.43 í dag.

Keilir, miðstöð vísinda, fræða og atvinnulífs er á Ásbrú við Keflavíkurflugvöll.

Davíð Brár Unnarsson, skólastjóri Flugakademíu Íslands, sagði í samtali við mbl.is að í ljós hefði komið að örlítil sprunga hefði verið fyrir í gólfinu en hún hefði gliðnað talsvert við jarðskjálftann. 

Davíð Brár segir ekki fleiri skemmdir hafa orðið að sér vitandi en að jörð skjálfi ennþá og hann finni enn mikla eftirskjálfta. 

Dýr búnaður er í flughermum Flugakademíunnar og segir Davíð að þau hafi haft nokkrar áhyggjur af honum. 

Kennsla stóð yfir í flugherminum þegar skjálftinn reið yfir og brá nemendum nokkuð við það en áttuðu sig fljótt, að sögn Davíðs. 

Ljósmynd/Davíð Brár

Tengdar fréttir

Stór skjálfti við höfuðborgarsvæðið

Þrír fengið bætur vegna skjálftans

• Skoðar skjálftasprungur með aðstoð gervitungla
• Verulega dregið úr skjálftavirkni
• Erfitt að meta hvort hrinunni sé að ljúka
• Skjálfti upp á 2,6 á Reykjanesi

» Fleiri tengdar fréttir

• Blogga um frétt